He pūrongo i whakaritea mā Te Mātāwai, e Te Wāhanga - Te Rangahau Mātauranga o Aotearoa, i te tau 2018.
I tonoa Te Wāhanga—Te Rangahau Mātauranga o Aotearoa e Te Mātāwai, ki te whakaemi i ngā mōhiohio, hei āta whakatakoto i te kohinga whakaaturanga o ngā huarahi e whāia ana i ngā kāinga me ngā hapori, mō te whakarauoratanga o te reo Māori.
Ko tētahi patapatai ā-ipurangi i roto i ngā reo e rua te huarahi matua i whāia ai ki te whakaemi i ngā mōhiohio e pā ana ki ngā kaupapa whakarauoratanga o te reo Māori i whakapuakihia ai i te tau 2016, i te tau 2017 rānei, tae atu ki ngā wānanga reo, ngā huihuinga inu kawhe me te kōrero, ngā ahurei, ngā waiata, me ngā huihuinga ā-kaupapa. Ko te nuinga o ngā kaupapa whakarauoratanga reo Māori i arotahi ki te whakatairanga ake i te āheinga o te hunga ki te whakamahi i te reo Māori, mā te noho kanohi ki te kanohi. I hāngai ngā kaupapa maha ki ngā whāinga mō te whakarauoratanga o te reo Māori, arā, ki te whakapakari ake i ngā āheinga o te hunga ki te whakamahi i te reo Māori, ki te whakapiki ake i te whakamahinga whitawhita o te reo, ā, ki te whakawhānui ake i ngā kupu, i ngā karakia, ā, i ngā tūāhuatanga reo katoa e mōhiotia ana.
I whakaemihia ngā mōhiohio mō ngā rauemi reo Māori i whakaputaina ai, mai i te Kohi-tātea o te tau 2012, ki te Hakihea o te tau 2017, arā, ki ngā rauemi ā-ipurangi, ngā rauemi i tāngia ai ki te pepa, ki te ipurangi rānei, me ngā piri-pepa, ngā pānui whakaahua, ngā hopunga puoro, ngā ataata rongo, me ngā kōnae rorohiko. Ko ngā rauemi i tāngia ai ki te pepa te tūmomo rauemi i kaha whakaputaina ai, ā, he maha ngā rauemi i whai pānga nui ki te whāinga whakarauora reo ki te whakapiki ake i te whakamahinga whitawhita o te reo Māori.
I te mutunga o te Haratua, o te tau 2018, kei te huinga raraunga o He Reo Ora ngā:
- tāuru raraunga motuhake e 498, e whakamārama ana i ngā kaupapa whakarauora reo Māori i tū ai i te tau 2016
- tāuru raraunga motuhake e 579 e whakamārama ana i ngā rauemi reo Māori i whakaputaina ai, mai i te tau 2012 ki te tau 2017.
Kua kapohia atu ki te pūrongo nei, ko ngā kaupapa whakarauoratanga o te reo Māori, me ngā rauemi reo Māori i te motu me ngā rohe, tae rawa atu ki te whānuitanga tonu o ngā pūtea mō te whakarauoratanga o te reo Māori.
A report prepared for Te Mātāwai by Te Wāhanga–New Zealand Council for Educational Research l NZCER, 2018.
Te Mātāwai commissioned Te Wāhanga—NZCER to collect information to create an evidence base of Māori-language revitalisation efforts happening in homes and communities.
A bilingual online survey was the primary means used to collect information about Māori-language revitalisation activities that happened in 2016 or 2017 including wānanga reo, meet-ups for coffee and kōrero, festivals, waiata, and kaupapa-based activities. The most common Māori-language revitalisation activities focused on improving people’s ability to use te reo Māori kanohi ki te kanohi. Many activities focused on Māori-language revitalisation goals aimed at improving peoples’ ability to use te reo Māori, increasing active use of the reo and extending knowledge of words, karakia, and so forth.
Information was collected about Māori-language resources produced between January 2012 and December 2017 including online, print or e-publications, stickers, posters, sound recordings, audiovisual or computer files. Print publications were the most commonly produced resources and many resources focused on the Māori-language revitalisation goal to increase active use of te reo Māori.
At the end of May 2018 the He Reo Ora dataset contained:
- 498 unique entries that describe reo Māori revitalisation activities that occurred in 2016
- 579 unique entries that describe Māori-language resources produced from 2012 to 2017.
The report provides a snapshot about te reo Māori revitalisation activities and Māori-language resources at national and regional levels, and the wider funding environment for te reo Māori revitalisation.