KOROMAKINGA
He whānau mātau, he whānau ora
E ōrite ana te whaimana o tēnei mahere ki tō te Mahere Rautaki a te NZCER hei āwhina i te whakahaere ki te whakatutuki i tōna whakaū ki Te Tiriti o Waitangi me te whakatutukinga o tana whakamaunga rautaki.
E WHĀ NGĀ ARIĀ HEI ĀRAHI I TE WHAKARITE WHĀINGA O TE WĀHANGA
Mana Atua
Ka whāia e Te Wāhanga te wairua manaaki e whakaatuhia ai i ngā tikanga ā-wāhi mahi - he mahana, he tūturu,he manaaki tonu ā, e mārama ana tana whakamaunga atu ki te whakatutuki i ōna putanga pai rawa atu ka taea.
Mana Tangata
Ka whakaratoa e Te Wāhanga tētahi āhuatanga mahi ngātahi e tutuki ai ngā tirohanga whakaaro, mātanga anō hoki o ana kaimahi, kaitohutohu me ērā atu ka whaiwāhi mai ki ā mātou mahi katoa.
Mana Mātauranga
Ka whakaputaina e Te Wāhanga he rangahau kairangi e whakaata ana i te mātanga tātari, te taha ngāio hoki ā, ka whakaatuhia te ariā me te reo, ko te reo rangatira tonu, e pā ana ki te whakapai ake, te whakapakari ake hoki i ngā putanga mātauranga, whanake hoki mō te Māori.
Mana Whenua
Ka whāia e Te Wāhanga te waihanga, te whakapakari hoki te tūāpapa mō te mātauranga me te whanaketanga Māori i Aotearoa nā runga anō i tōna haepapa me tōna aronui ki te whānau, te hapū, te iwi tae atu ki te Māori hei tangata whenua.
KUPU WHAKATAKI
Ka whakaritea e Te Mahere Rautaki Māori te ahunga rautaki a Te Wāhanga ā, ka whakamāramahia ōkawatia te whakamaunga a te NZCER ki te whakanui i te papātanga rautaki o ngā putanga mātauranga, whamaketanga Māori. Ka whai wāhi whakahirahira Te Wāhanga ki te whakapakari i te mātangatanga ā-whakahaere o te NZCER hei whakatutuki i tētahi hātepe kōtui, whakahāngai hoki i āna mahi rangahau mātauranga, whanaketanga Māori tonu.
TE WHAIMĀRAMATANGA I TE MĀTAURANGA ME TE WHANAKETANGA MĀORI
E ai ki te tirohanga o Te Wāhanga, ko te mātauranga me te whanaketanga Māori te whakwhitinga ā-reanga o te matū mātauranga, te momo whakawhitinga mātauranga tae atu ki te kaha o te Māori ki te whakarite i te ihirangi e whakawhitia ai me tana momo whakawhiti. Ko te pūtaketanga o te mātauranga me te whanaketanga Māori, ko te whai mana (te rangatiratanga) o te Māori hei whakarite i te uara o aua mātauranga, mēnā e whai uara ana kia whakawhitia ai, tae atu ki te papātanga ki te hauora o te whānau. Karapotia ai ngā whakahaere ahurea tae atu ki te whānau me te marae me ngā āhuatanga e kawea atu nei i roto i te ao mātauranga Māori.
He turanga motuhake tō Te Wāhanga me te NZCER – hei rōpū motuhake ā-motu, hei whakahaere rangahau mātauranga i Aotearoa – kia whai papātanga whakahirahira ki te mātauranga me te whanaketanga Māori, ā, mā reira e tautoko ai te hauora o te whānau.
WHAKAMAUNGA RAUTAKI
Ki te whakaputa rangahau mātauranga kairangi ā-kaupapa Māori e whai papātanga ki te hauora o te Māori mā:
- te mahi ngātahi me ngā hapori Māori me
- te whakaū hātepe kōtui ki te rangahau mātauranga Māori a te NZCER.
KAUPAPA MATUA
1. Te Rangahau
Ko te mātauranga Māori; te akoako me te whanaketanga; te angitu ākonga Māori, te whānau, hapori me ngā pouako i te rāngai mātauranga, akoako; te rangahau me ngā whamaketanga anō i te rangahau me te aroturuki i te rangahau kaupapa Māori.
2. Rauemi Ngaio
Te whakawhamake rauemi, hua, ratonga anō hoki mō te rāngai mātauranga Māori tae atu ki te mātauranga ā-hapori.
3. Pārongo me te tohutohu motuhake
Te whakamahi mātangatanga ā-rangahau-xxx hei kaituku papātanga whaimana ki ngā tautohe ā-mātauranga o nāianei tae atu ki ngā take kaupapahere, whakatinana hoki hei painga mō te Māori.
WHAKAMAUNGA RAUTAKI 1
Ki te mahi ngātahi me ngā hapori Māori ki te whakaputa rangahau e tautoko ana, e whakaawe ana i ngā mahinga whakapanoni i roto i te rāngai mātauranga, akoranga, whanaketanga Māori tonu.
I te wā 2010-2014 ka ngana Te Wāhanga:
- kia tū whakamua ngā hiahia ā-hapori Māori i ngā mahi katoa e pā ana ki te mātauranga, te akoranga me te whanaketanga Māori.
- Ka whakatōpūtia, ka whakapakaritia Te Wāhanga hei ohu whaihua, e noho motuhake ana hei kaiwhakaputa rangahau mātauranga kairangi ā-kaupapa Māori, rauemi, tohutohu anō hoki.
- kia hanga hononga ki ngā hapori mātauranga, rangahau Māori.
- kia āwhina i te hanga mātauranga hōu i te rāngai mātauranga, akoranga, whanaketanga Māori mā te rangahau, te rauemi me te tohutohu i ngā kaupapa matua.
WHAKAMAUNGA RAUTAKI 2
Kia whakahirahira tonu te papātanga o ngā mahi a te NZCER e pā ana ki te rangahau mātauranga Māori me te whanaketanga rauemi ki te hauora o te whānau.
I te wā 2010-2014 ka ngāna Te Wāhanga:
- kia whānui ake, kia hōhonu ake hoki ngā ngohe a te NZCER e whaihua ai ngā putanga pai ake i te rāngai mātauranga Māori, akoranga me te whanaketanga.
- Ka riterite te whakaputa rangahau kairangai e pā ana ki te mātauranga Māori tae atu ki te whakaputa rauemi ngāio
- ki te whakawhanake, ki te whai i tētahi akoranga ā-wāhi mahi e pā ana ki Te Tiriti o Waitangi hei hanga pūkaha ā-whakahaere e whaihua ai te mātauranga Māori.
WHAKAMAUNGA RAUTAKI 3
Ki te whakatū hononga whaihua ā-motu, ā-tāwāhi hoki ki te Māori, ki ngā iwi o te Moananui a Kiwa tae atu ki ētahi atu kairangahau, hapori, whakahaere iwi taketake anō hoki.
I te wā 20101-2014 ka ngana Te Wāhanga me te NZCER whānui tonu:
- ki te whai hātepe rautaki hei whakatū, hei pupuri tonu i ngā hononga ki te Māori, ngā iwi o te Moananui a Kiwa tae atu ki ētahi atu kairangahau, hapori, whakahaere iwi taketake anō hoki e taea ai ngā hononga ā-putanga whāiti.
- ki te āwhina i te whakapakari kaha ā-rangahau i roto i ngā hapori Māori mā te mahi ngātahi.
- ki te whakatū wānanga, hui rānei e tautoko ai te whakapakari hononga mō te Māori, ngā iwi o te Moananui a Kiwa tae atu ki ngā hapori iwi taketake.
- ki te mahi ngātahi me te whānau, te hapū me te iwi ki te whakatū ratonga rangahau, aroturuki hoki e tautoko ai te whanake me te whakatutuki i ngā whāinga mātauranga, akoranga, whanaketanga anō hoki.
TĀPIRITANGA
Ō MĀTOU UARA Ā-WHAKAHAERE
Tō mātou mana motuhake. Nā te mea, he whakahaere ā-motu te NZCER, kua kore ōna here ki te kāwanatanga, ki ētahi whakahaere tūmatanui rānei, ka tū rangatira mātou ki te whakaputa reo whakhīhī, whaimana anō hoki
Tō mātou tuakiri Aotearoa. Hāunga anō tō mātou mana i tāwāhi me ō mātou kōtuinga pakari, kei Aotearoa tonu tō mātou tūrangawaewae.He mea taketake te mahi ngātahi me te Māori ki ā mātou mahi katoa ā, ko taua pūteketanga, ko te haepapa takirua me te aronganuiki te Māori. Mā ā mātou mahi rangahau e whakaata tēnei whakūtanga.
Te Mātauranga. Ko te pūtake tonu o ā mātou mahi katoa he whakapono ki te uara o te mātauranga. Ko te tikanga, mā te pūnaha mātauranga kairangi e whakarato putanga ōrite ki te katoa tae atu ki tautoko i te mātauranga mō ake tonu atu.
He taonga te mahi rangahau me ngā rauemi ngāio:
e whakaputa mōhiotanga hōu ai e pā ana ki te mātauranga. Me whakaputa whakaaro hōu ā mātou mahi rangahau, aroturuki hoki. E whakaū ana mātou ki te whakarato whakakitenga e whakapakari ai ngā huarahi mātauranga o te taupori whānui ā, e hiahia ana mātou ki te whakaputa whakaaro, tauira whakapanoni hoki hei tautoko i tētahi pūnaha mātauranga mō te rautau 21
e whai hua ana, e whai papātanga anō hoki. Ka hāngai atu ā mātou mahi rangahau ki te whakautu pātai e whai hiranga rautaki ki Aotearoa. Ko tētahi o ō mātou whāinga matua ko te whakawhānui i te hinengaro e whai kaha ai ngā whakataungā ā ngā kaimahi, kaiwhakatau kaupapahere, kaitōrangapū tae atu ki ngā mātua. Ko te hiahia, kia aro mai te iwi ki ā mātou mahi, whakanekeneke hoki, kia mārama ai, kia whakamahia anō hoki.
e whai hua hōu ana, e hāngai whakamua ana hoki. E whakahaerehia ana tētahi hōtaka rangahau whaikaha tonu me tētahi wāhanga whakaputa rauemi ngāio, te NZCER Press, mā reira e taea ai e mātou te tū whakamua ai i te rāngai mātauranga, māna anō e whakatutuki ngā hiahia o te rāngai mātauranga e pā ana ki ngā whakaaro hōu, rauemi, ratonga anō hoki
e whai kounga kairangi ana. He mea whakahirahira tō mātou tūnga teitei ā-motu, ā-tāwāhi hoki, e pā ana ki ngā kaupapa rangahau, whakaputa rauemi hoki. Ka taea katoatia mā te whakatutuki paerewa arotake ā-hoamahi; ka whāia anōtia ā mātou ake hātepe aroturuki mā te whakamahi pūkenga ā-kaimahi ā, ka tautokona e tō mātou wāhi mahi tautokotoko. Ka whāia ko tētahi ariā mahi e tautoko ai ngā kaimahi ki te akoako tonu
He mea whakahirahira ki a mātou:
kia manaaki i te tangata. Ka nui te aro atu ki ngā hiahia o ngā hapori me ngā ahurea katoa. He mea nui te pupuri i ngā hononga. Ka whakaū mātou ki te tuku whakahokinga kōrero ki ō mātou kaiwhaipānga i ngā wāhanga katoa o ā mātou mahi. E mārama ana mātou ki ngā pūkenga maha o ō mātou hoa mahi ngātahi ā, me te mōhio anō hoki ka taea e mātou ētahi atu te āwhina ki te hanga pūkaha mātauranga
kia noho ataata. E mārama ana mātou ki te momo mātauranga, momo ariā kei a mātou ake. Ka āta aroturukina, ka āta tātarihia ā mātou mātou ngātahi tae atu ki ērā o ō mātou kaiwhaipānga
kia mahi ngātahi. Ka mahi ā-ohu mātou ki te hanga hōtaka rangahau kōtuitui. He take matua ngā hononga whaihua e tautoko ana i ngā mahi a ētahi atu kairangahau, kaiaroturuki anō hoki ā-motu, ā-tāwāhi anō hoki
He mea tango mai i: NZCER, Mahere Rautaki 2008-2011, whā. 2-3